القائمة الرئيسية

الصفحات

أخبار الاخبار

اختيار الدومين |الفرق بين امتدادت الدومين | com vs net. شرح مميز لكل منشئ موقع

اختيار الدومين |الفرق بين امتدادت الدومين | com vs net. شرح مميز لكل منشئ موقع
mo3liwa
اختيار الدومين |الفرق بين امتدادت الدومين | com  vs  net.   شرح مميز لكل منشئ موقع
معاني أشهر الامتدادات العالمية لأسماء النطاقات 
موقع مميز لاختيار المفاضله بين اسم الدومين
موقع   جودادي  من أفضل المواقع لشراء الدومين
x


السلام عليكم ورحمه الله وبركاته
 من اكثر  القرارات اللي اخذتها بسرعه اختيار الدومين  الخاص بموقعي Mo3liwa لكن وعلى الرغم من ان التوفيق حالفني الى حد كبير ولكني تمنيت لو كنت قرأت اكثر عن الموضوع قبل ما الاختيار ,أكيد كان هيفرق معايا كتيرلذلك قررت أكتب المقاله دي عشان اساعد كل واحد مقبل علي اختيار الدومين ويقدر يختار بطريقه صحيحه .

اختيار اسم الدومين بالرغم من انه اجراءات بسيط جدا ماياخدش من وقتك غير ثواني معدوده وكمان مش هيكلفك أرقام كبيره  ولكنه موضوع يستحق التفكير والعناء, لان بكل بساطه كل ما كان اختيارك موفق أصبح موقعك في مكان مميز من البدايه وكلما كان خيارك مبني علي التقليد والعشوائيه بدون خبره خبره كل ما حطيت موقعك في الحضيض .
النهارده هنتكلم عن اختيار الدومين المناسب لموقعك وايه الحاجات اللي تبعد عنها وكمان افضل المواقع اللي ممكن تشتري منها هيكون في فيديو موجود مرفق في اسفل التدوينه من خلاله هتكون قادر انك تشوف عمليه الشراء من خلال موقع جودادي .

وهنجاوب علي السوال ده اختار دومين com. ولا net. ولا اختار ايه ؟
اي واحد فينا بيفكر في اختيار دومين بيبقي نفسه يكون عنده دومين دوت كوم بدون ادني تفكير ليه ؟ هو نفسه مش بيكون عارف ليه دوت كوم يعني هل بيكون مميز عن غيره هل بيتأرشف اسرع هل في مميزات اكثر بدون اي تفكير هو بيفكر انه عايز دومين com .
اوعدك إنك بعد المقاله دي هتكون مدرك لمفاهيم في اختيار الدومين بطريقه صحيحه .

طيب انا ليه اشتري دومين ما انا ممكن استعمل دومين مجاني
في البدايه لو انت مش حابب تشتري دومين انا مش هاقدر أجزم انك مش هيتم قبول مدونتك بدون شراء دومين لان فيه كتير مدونات اتقبلت بدون شراء دومين .
ولكن الدومين هيفيدك ويسرع ويزود فرص قبولك .
لما تكون شاري دومين مدفوع الارشفه في محركات البحث بتكون اسرع بكثير وكمان الامان والاطمئنان للزائر يكون افضل .

 ولو انت مازلت مصر انك مش هتشتري دومين وعايز دومين مجاني أنصحك انك تتمسك  بدومين بلوجر ما تحاولش تجيب دومين زي tk. او أي دومين ضعيف لان هيقابلك مشاكل انت في غني عنها كمبتدئ .

خلاص قررت اشتري دومين ازاي اختار اسم الدومين ؟

 1- متوافق مع محتوى مدونتك بيعبر عنها

لازم الترابط القوي بين  الاسم والمحتوى ليسهل على  الزائر تذكره وده ممكن تعمله من خلال انك تجمع 5 من اقوى الكلمات المفتاحية داخل موقعك وتبدأ مرحلة من العصف الذهني الابتكار بعنوان يدل على هذه الكلمة .

2-البعد عن التقليد كل صوره 

من اكبر الغلطات اللي بيقع فيها المبتدئ أثناء اختيار الدومين  وبناء علي إعجابه بموقع مميز يبدأ ان يفكر يقلد الاسم ويدور على دومين مشابه والأجراء ده في حد ذاته مصيبة لأنه  بالشكل ده تقريبا بيحكم على موقعه انه يكون في المرتبة الثانية لفترة طويلة جدا ولكن بعض الناس بتبص لها من منظور ثاني وهو ان الكلمه الخاصة بالموقع الضخم عليها سيرش كبير لانها اصبحت كلمه مفتاحيه  فتكون احتمالية ظهوره كبيره وان كان حتى لو مرتبه ثانيه وان كنت انا مفضلش ده لاي واحد مبتدئ لذلك حاول تخلي اسمه موقعك مبتكر يسهل انتشاره في محركات البحث .

 3-البعد عن الاسماء الطويله

  لانها غالبا ما تشتت القارئ بيكون صعب تذكر الاسم الصحيح لمدونتك ودي واحده من اهم النقاط . لو وجدت الاسم الذي ترغبه محجوز لا تحاول الاطاله واياك ان تضيف في البدايه The لانها تضعف السيو بطريقه كيره ويصعب تذكرها .

4- دومين قصير مبتكرالبعد عن اي شي يحتمل الخطاء أوالنسيان .

حاول تخلي الدومين بتاعك دائما متوفر من مقطع واحد بلاش مقطعين ابعد عن اي شي يلخبط الزائر (-\-.,) سهل لذيذ يسهل تهجئ حروفه

دلوقت اهم نقطه في  مقالتنا ازاي اختار امتداد الدومين  ؟ 

عشان تكون قادر تختار امتداد بطريقه صحيحه لازم نعرف مع بعض معني كل امتداد

1- امتداد com . وهو الأشهر، يستخدم لأي غرض، سواء شركة أو مدونة أو متجر إلكتروني، وهو الأوسع استخداماً عالمياً بلا منافس ولكن اعلم ان هذا ليس مقياس القوه فقط لاد من الاهتمام بالتوافق
2- امتداد .net، ويأتي في المركز الثاني في الشهرة  تم إنشاءه ليتم استخدامه في الشركات التي تعمل في البنية التحتية لشبكة الإنترنت (واسمه مشتق من network). مثال موقع  Te data
3- امتداد org. وهو مختص بالمنظمات والمؤسسات الرسمية. مخصص هذا اللامتداد للمجموعات المترابطه التي تخدم كيان واحد .
4- امتداد edu. وهو مختص بالجهات التعليمية لو كان النحتوي الذي تقدمه تعليمي عليك اختياره .
5- امتداد info وهو للمواقع المعلوماتيه والمتشعبه في كتير من الاتجهات كان من المفترض أختار الدومين الخاص بيا  بالطريقه دي .
توجب عليك أيضا ان تعلم أن هناك المئات من الامتدادات الأخرى، ولكن هذه أشهرها، واستخدامها أصبح أوسع من قبل
طيب هل الالتزام الاختيار المناسب المتناسب مع محتوى  مدونتي هيفرق طبعا هيفاء جدا جدا وده بكل بساطة مثال خفيف بكل بساطه لو مدونتك تعليميه ودخل الزائر يبحث عن حاجه تعليمية في محرك البحث جوجل تكون في مرتبة ولكن لو كان امتدادها حاجه مختلفه عن المحتوى التعليمي هتكون في مكانه بعد انتهاء المحتوى التعليمي تبدأ جوجل أنها  تدور في الخيارات المتوافقة من حيث الكلمات المفتاحية كمرتبه ثانيه .

 في نهاية التدوينة البسيطة دي اتمنى ان اكون قدرت اساعدك وأصلك مجموعة من المعلومات البسيطه وكعادتنا 
ختاما
لازم نصلي على النبي محمد
صلى الله عليه وسلم
_____


هل اعجبك الموضوع :

تعليقات

6 تعليقات
إرسال تعليق
  1. هو انا لو عملت مدونة زي كده وعملت فيها بث للمباريات هيبقى في مشكلة ولا عادي هيبقى فيه ارباح وهل الارباح دي هتبقى كويسة ولا لا وشكرا مقدما

    ردحذف
  2. اه هتواجه مشاكل مع أدسنس ولكن ممكن تفكر بطريقه ايجابيه ممكن مثلا موقع لنتايج المباريات او الاخبار الرياضيه عموما

    ردحذف
    الردود
    1. تمام شكرا + هل الارباح هتبقى كويسة

      حذف
    2. أه باذن الله ده رزق وربنا مش بيضيع تعب حد

      حذف
    3. تمام شكرا ليك جدا

      حذف
  3. مش شايف اي روابط هما كدا العرب من رابط لرابط والاخر مفيش حاجه

    ردحذف

إرسال تعليق

محاور هامة