العمل من البيت والربح من الانترنت | تحقيق أول دولار على الانترنت .
 |
| إضافة شرح |
كل واحد فينا وهو مقبل على عمل جديد بيكون عنده امل كبير جدا , يمكن الازمة التي نعيشها في الوقت الحالي علمتنا قيمة العلم والتعلم وكمان علمتنا قيمة العمل من البيت والربح من الانترنت .
الربح من الانترنت أصبح أمر واقع لازم كلنا مش بس نعترف بيه لأ كمان لازم كلنا ندوق حلاوة , أن يكون عندك مهاره تقدر من خلالها تكسب فلوس كويسه بمجهود معقول بطريقه ممتازه وتكون مصدر دخل ثابت ليك .
شوفنا آلاف الشباب الفتره الاخيره بتحاول تشتغل على منصة يوتيوب وبلوجر وغيرها من المنصات الكثير بقينا بنشوف ناس كتير بتسأل يعني ايه جوجل ادسنس و ازاي اقدر اربح من الانترنت .
ناس كثير عايزه تتعلم , من سنه كلمني شاب في نفس عمري قالى بقالى سنتين على النت نفسي أحقق ولو دولار , هنا الكلمه دي كانت مؤلمه جدا بالنسبة لي كل الشغلانات اللي موجوده على النت دي ولسه مش عارف تحقق ولو دولار واحد .
لفت نظري جدا التشتت الذي يقع فيه أغلبنا تقعد فتره طويله جدا تتخبط ما بين الأخبار الكاذبة وسمعت مئات الفيديوهات وشفت كثير من المقالات اللي بتكلمك عن الربح من الانترنت بدون مجهود .
الله سبحانه وتعالى خالق الكون في كل جانب من جوانب الكون بنشوف عظمة المولى سبحانه وتعالى , لازم تاخذ المبدأ منهج حياة طالما وجدت نتيجة فلابد يكون في سبب النتيجه لازم تكون في قوة بتحرك الحاجه دي , للحصول علي نتيجة لابد من عمل.
لازم بينك وبين نفسك تعترف إن ما فيش اي ربح بدون مجهود وبكده هتكون بدات تمسك أول الخيط
عشان اربح لازم يكون عندي مهاره اقدر اخذ عليها فلوس وتكون لي مصدر دخل وهنا لازم نشد 100 خط لازم تحدد مهارة انت بتحبها مش سعرها غالي.
الفن في اختيار المهارة الصحيحة.
هو ده اللى ما ينفعش ان انت تبص على المهارات الاغلى سعرا والاصعب في التعلم ويكون كل غرضك فيها تحقيق أكبر كم من الاموال المنظور ده خاطئ تماما.
المثال بطريقه اسهل اعرف شباب كثير جدا بتحقق دخل محترم على الانترنت كمدخل بيانات او حتى كان مجرد كتابة مقالات ولكنه احترف المهارة البسيطة وقدمها بشكل إحترافي فكانت مصدر دخلة .
الفكرة مش انك تعمل مهارة غالية بس , لكن الفكره انك تعمل مهارة كمحترف,
الشباب دي بتحقق ارباح محترمة جدا, مقارنة بواحد بيحاول يتعلم موشن جرافيك لسنوات ودخل على مواقع استنفذت كل قوتة في مجرد إنه يحصل على اول وظيفه فلازم طول ما انت بتتعلم تطور نفسك وتشتغل اكثر الفكره في الديمومة والاحترافية .
- ممكن احترف مهارة صغيرة وبها تحقق دخل عظيم وبعد فترة تطورها النهار اكبر وتكون هي حجر الأساس .
محدش فينا بيتولد كبير كلنا لازم نتعب ونسعى ونطور من نفسنا , اياك يغرك اي واحد بيوصل بسرعة ربما يكون ده نوع من أنواع الابتلاءات ربنا بيبتليه يشوفوه هيشكر ولا لا , مشى نفسك دائما بمبدأ علمت ان رزقي لن يأخذه غيري فاطمئن قلبي.
- كن عاقل ما تفرحش في يوم لو كسبت فلوس في حاجة متعبتش فيها خلي عندك تقييم ذاتي لنفسك انا تعبت اذا انا استحق .
- فهم نفسك دائما ان انت مهما تعلمت فيه الأحسن منك لازم دائما تكون شايف إن لسه بدري قوي على ما توصل لهدفك .
صلب مقاله النهارده عن تحديد هدفك.
- تحديد الهدف أمر مهم جدا لكن الهدف لابد يتناسب مع امكانياتك .
- اتقان مهارة سهلة وعملها باحترافيه عاليه افضل بمراحل من مجاهدة النفس في مهارة صعبة و عملها بطريقة سيئة .
- التسرع اول اسباب الفشل خليك واثق ان رزقك هيجيلك في الوقت المناسب .
- كل واحد فينا ربنا يكافئه بالطريقه الى ربنا سبحانه وتعالى شايفها مناسبة ليه فلا تتسرع .
بتعجبنى جدا مقولة بيل جيتس
لما قال كنت أرسب في بعض الامتحانات ولكن صديقي كان ينجح في كل الامتحانات , صديقي اصبح مهندس في شركة مايكروسوفت وأنا أصبحت مالك مايكروسوفت .
هدف المقالة البسيطة إني أعلمك احترف مهارة بسيطة وخلال عملك بها وتحقيق دخل ولو بسيط طور مهارات ثانيه جنبها , تعود انك تنتج وتتعلم ما ينفعش تتفرغ للتعلم بس , لا التعلم والممارسة بيكملوا بعض .
مع الممارسة تواجه مشاكل ممكن تشوف كورسات وما تشوفش ولا مشكلة منها , هدف المقالة أنك تمارس تحقق ارباح محترمة وتتعلم شكرا لكم وصلنا نهاية المقالة ولا تنسوا الصلاه على النبي محمد .