الخطوط | روح التصميم | درس متكامل للتعامل مع كل مايخص الخطوط
خلينا متفقين ان مقالة النهارده بتكمل دروس سلسله المطبعه , ودي مجموعة أنا جهزتها لمساعدتة كل المبتدئين في مجال التصميم ممكطن تتابعها من خلال قناه على اليوتيوب.
و حلقه النهارده وهي الدرس الثالث من دروس المطبعه عن الخطوط لان الخطوط بتمثل.نصف التصميم الخط المناسب يوفر الكثير من الوقت و المجهود .
أغلب المبتدئين بيقعوا في الخطأ الاعظم وهو اضافه كميات مهوله من الخطوط وده بيكون سبب في ثقل البرنامج خصوصاً الاجهزه الضعيفه والمتوسطه .
لذلك موضوعنا النهارده هيدور حول مجموعه من المحاور اول حاجه هنتكلم عنها
طريقه حذف كل الخطوط من جهاز الكمبيوتر
حتى الرئيسيه منها والخاصة بالويندوز نفسه ودة طبعا هيكون من خلال الامتداد التالي
وده ممكن تتابعه من خلال الفيديو .
أولا هتفتح registry editor ودة ممكن من خلال البحث عنها بسهوله .
ثانيا هتمشي ورا المسار التالي
Hkey_local_machine - software -microsoft
- windows nt - currentversion -fonts
ثالثا هتمسح الملف المرتبط بالخط الي انته محتاج تلغية ولو هتعمل زي حالاتي وعاوز تبدا علي نضيف يبقي هنمسح الكل .
معرفة الخطوط المستخدمة في التصميمات
وده هيكون من خلال طريقتين الآولي من خلال برنامج فوتوشوب نفسه البرنامج هيساعدك في التعرف على الخطوط الموجوده داخل التصميم ر ويبدا يبحث عليها ولو في امكانيه يقدر ان هو ينزلها لك.
وده ببساطه بتحدد الخط في التصميم ومن قايمة type بتختار match fonts
وهنا البرنامج هيبدا يقوم بالمهمة ولو الخط تابع لادوبي ومجاني بيتم اضافتة مباشرة .
أفضل الطرق والمواقع للإضافة جديد الخطوط العربي والاجنبي .
طريقة إضافة الخطوط لجهاز الكمبيوتر
بعد معرفة اسم الخط الي انت محتاجة انت كده قطعت نصف المسافة وطبعا طريقه الخط ده موضوع سهل جدا كل اللي بتعمله . بتنسخ الخط وبتروح علي لوحة التحكم أو control panel ومنها بتروح على خطوط او Fonts و بتعمل اضافه ولو دخلت على الويندوز تقدر تضيفه في بارتين السي في fonts برضوا .
الطريقة الافضل لاختيار الخطوط والمقارنة بينها .
الخطوط بالنسبه للمصمم بمثابه الادمان مهما حاولت انك تقلل الخطوط على جهازك برضوا هتضيف مجموعه ضخمه من الخطوط وكالعاده هيكون الاختيار منها صعب جدا بالطريقه العاديه والتقليدية .
لذلك هنتعرف علي موقع wordmark الي هيوفر كثير من المجهود في معاينه الخطوط معاينه الخطوط اللي موجوده داخل الجهاز مش خارج جهازك مجرد ما بتفتح الموقع وتجيب فيه بعض الكلمات بتظهر لك كل انواع الخطوط اللي تقدر من خلالها انك تعيينها وتختار الخط المناسب وبكده نكون خلصنا حلقه النهارده اتمنى ان انا أكون وفقت ولا تنسوا الصلاة علي المختار دمتم في رعاية الله .