أفضل التطبيقات الأسلامية للأندرويد تطيبقات لن تسطيع الإستغناء عنها
Great Quran تطبيق القران العظيم
أفضل مصحف علي الاندرويد من وجهه نظري الألوان فية مريحة جداً هيديك راحة ، الحروف مش متقارب ومش بيرهق العين ، لحروف والسطور متباعده وواضحة فيه مميزات كتير جداً في ختمات تقدري تحديدها لنفسك في تفسير في الميسر وفي اغلب كتب التفسير الكبيرة مقسمة لأجزاء منهم علوم القرءان زي اسباب النزول تدبر الايات في حاجات كتير تقدروا تحملوها بالاضافة لترجمة القرءان لأكثر من لغة .
التطبيق يحتوي مجموعة من مشاهير القراء بجودات تلاوه خرافية
Great Quran | القرآن العظيم - Apps on Google Play
تطبيق آية للقران الكريم Ayah
يعتبر تطبيق آيه تاني أفضل برنامج للقرءان بعد Great quran في لأسباب هشرحها الألوان ممتازة مفيش عليها غبار ، العيب انه بيفسر تفسير السعدي وده يعتبر تفسير مبسط جداً لأنة بيعرض معاني الكلمات بتبسيط شديد , احلي حاجة فيه هي اللطائف اللي بيبعتوهالك كل يوم بتكون حلوة ججداً وبتيجي في وقتها ، بالنسبة للناس اللي بتحب الاختصار وبتحب البساطةهيكون إختيار ممتاز لكن هو مش افضل برنامج من وجهه نظريممكن يكون مقبول من حيث القراءة لكن كتفسير من وجهه نظري لا.
Ayah: Quran App - Apps on Google Play
مصحف المدينة
ده بقي ممكن تسميه قنبلة التحفيظ ، يعتبر أحسن برنامج في التحفيظ بدون نت والتكرار والشيخ محمود خليل الحصري أفضل معلم في التجويد بتكرري الايات علي مسامعك وبتقرأ وراه وبتحفظ بالطريقة الصحيحة ع الاقل ودنك سامعة قرءان مجود بطريقة صحيحه وليس تناغم في فرق بين انك تحفظ علي ايد شيخ عنده غنة تأثر علي تجويده في القرءان فهتأثر عليك وتحفظ غلط فكون حريص تسمع القرءان في التحفيظ من شيخ متمكن والبرنامج ده هيساعدك حتي لو قفلت الشاشة هيفضل يكررلك .
وطبعا تقدر توقف وتقرأ الصفحه مع نفسك للحفظ وبسرعة ومن غير نسيان بتعيد الصفحه فوق عن العشرين مرة مش اقل من كدة وان زدت فخير لأنها بتنتقل من الذاكرة المؤقتة للذاكرة الدائمة مع كثرة التكرار وطبعا فيه جميع التفاسير بردو لكن هو مش افضل حاجة للقراءة المريحة ، لكنه افضل حاجة في التحفيظ .
مصحف المدينة - Apps on Google Play
القران الذهبي Golden Quran
نعتبرة أفضل تطبيق شامل بعد great Quran أرضية ممتازة مريحة للعين فيه ميزة حلوة جداً للناس اللي بتهتم انها تخلص كل يوم جزء بيكون ظاهرلك الجزء قد اية وعدد الصفحات وكل حاجه تقريباً فيه جميع التفاسير وافضل التفاسير هو ابن كثير من وجهه نظري لأنه بيتكلم بإستفاضة يلية البغوي لنفس السبب بردو من وجهه نظري بيحكي بالقصص بيشبعك + فيه الاذكار وكمان فيه الاربعون النووية فيه اوقات الصلاة والاذان فيه التاريخ الهجري ودي حاجة حلوة مفتقدينها اساسا موجودة في انا مسلم بس تقريباً علي حد علمي تقدر تعتمدي عليه اعتماد شبه كامل وده بينافس تطبيق القرءان العظيم والاتنين افضل من بعض
Golden Quran - Apps on Google Play
ختاما لابد أن تعلم أن الدال علي الخير كفاعلة جعل الله هذا العمل ثوابا وخيرا نافعا لنا وبارك الله في كل من قام علي هذا العمل دمتم في رعاية الله ولا تنسونا من صالح الدعاء .