القائمة الرئيسية

الصفحات

فرق شرايح الكهربا وطريقة حسابها | ولية بيتخصم منك فلوس إنت مش عارف سببها

شرائح الكهرباء وإرتفاع أسعارها  , فواتير  الكهربا المتزايدة وإزاي ترشد إستهلاك الكهرباء  موضوعنا  النهاردة  مهم جدا لترشيد الإستهلاك في الطاقة الكهربائية  وتوفير الفلوس  

فرق شرائح الكهرباء


مجموعة الأسئلة الأكثر شيوعا حول  عداد الكهربا وإجاباتها 

 س : إيه اللى بيتخصم من العداد مسبوق الدفع( الكارت) أول ما بشحن ؟وليه بيتخصم !!؟؟ طبقاً لأسعار ٢٠٢١ : ٢٠٢٢


س : : ليه لو مستخدمتش الشقه بلاقي الرصيد بيروح؟

.... أسأله كتيرة يوميا علي شباك شحن العدادات..

✔️🌹 و من حقك تفهم 🌹

ج : لو فيه خصم ها يبقى عبارة عن خصم اقساط عداد . أو خصم فرق الشريحة و سعر خدمة العملاء .....

س : يعني إية خصم فرق الشريحة !!؟؟

ج :💡 نبدأ من الأول : يوم 1 فى الشهر العداد يرجع للشريحة رقم 1 و بالرصيد المتبقي من الشهر السابق ..، شريحة ١ ، ٢ أعلي دعم موجود لأول ١٠٠ ك ..
فى خصم بيتم لما بتوصل الشريحه الثالثة ده اسمه فرق الانتقال من شريحه الى شريحه وبيكون قيمته ٢٨ جنيه للاسعار الحالية .

س : بتتحسب ازاى ( خصم الشريحة )!!؟؟

٥٠ كيلو × ٤٨ قرش = ٢٤ ج + جنيه خدمه عملاء = ٢٥ جنيه
٥٠ كيلو × ٥٨ قرش = ٢٩ ج+ جنيه خدمه عملاء = ٣٠ جنيه
يعنى اجمالى الشريحتين ٥٥ جنيه لاول ١٠٠ كيلوا
لكن لو حضرتك كسرت ال ١٠٠ كيلو يعنى مثلا بقيت ١٠١ ده معناه ان اول شريحتين اتلغت بالنسبالك ...،
وبداية المحاسبه ليك من الثالثة عشان انت فوق ال ١٠٠ كيلو طريقة حسابها
١٠٠ كيلوا × ٧٧ قرش = ٧٧ جنيه + ٦جنيه خدمه عملاء = ٨٣ جنيه
عشان كده بنقول ٨٣ _ ٥٥ = يبقى الفرق ٢٨ جنيه وهيا دى حكاية ال ٢٨ اللى بتتخصم اول متوصل للشريحه الثالثة عشان فى الاخر يبقى الاجمالى اللى اتخصم منك ٨٣ جنيه.....
—————————————————————
⚡️ فرق سعر الشرائح:لما تدخل شريحة 3و 6و 7فقط بيتم الخصم.

لما بتعدي ١٠٠ كيلو وات شهريا (شريحة 3) بيتم خصم ٢٨ جنية فرق سعر شريحة لأن المحاسبة بترجع من الصفر وبيخصم الفرق بس.

لما بتعدي ٦٥٠ كيلو وات شهريا (شريحة 6) بيتم خصم ١٤٥ جنية فرق سعر شريحة لأن المحاسبة بترجع من الصفر وبيخصم الفرق بس.

لما بتعدي 1000 كيلو وات شهريا (شريحة 7) بيتم خصم ١٨٥ جنية فرق سعر شريحة لأن المحاسبة بترجع من الصفر وبيخصم الفرق بس

بمعنى أنه لما تدخل شريحة 3و 6و 7فقط بيتم الخصم.
—————————————————————
٢....، وأنه فى حالة عدم الاستهلاك (مغلق) يقوم العداد فى نهاية كل شهر بالخصم التلقائى فيما يعرف بالمقروء بصفر وقيمته 9 جنيهات شهريًا فى حالة عدم الاستهلاك.

🖋 .. ودى كل الخصومات بكل شفافية .

مجموعة من النصائح المهمة لتوفير الإستهلاك في عداد الكهرباء

  • إستعمال الأجهزة الموفرة للطاقة .
  • إستعمال الجهاز لما هو مخصص له بدون مغالاة .
  • عدم إستخدام الكاتيل وما شابة إلا عند الضرورة .
  • إستعمال الحل البديل والأفر مثل سخانات الغاز.
  • تخصيص عداد منفصل لكل وحدة سكنية (شقة ) لتخفيف الحمل .
في نهاية المقالة أتمني من الله عز وجل أن أكون قد وفقت


أنت الان في اول موضوع
هل اعجبك الموضوع :

تعليقات

محاور هامة