أخر الاخبار

أفضل البرامج المفيدة في يوتيوب | برامج هتساعدك للنجاح على يوتيوب

أفضل البرامج المفيدة في يوتيوب | برامج هتساعدك للنجاح على يوتيوب

WWW.MO3LIWA.COM

مساعدتى ليك على يوتيوب واجب علي , بكل بساطه لان اي حد فينا بيعمل عمل ولو بسيط ربنا يجازيه عليه بالخير ولربما تكون أنت صديقي المستقبلي.

مساعدتي ليك مش مقتصرة على إنى انزل فيديو ليك على قناتي بس , من واجبي إني أشارك معاك كل خبرتى , الحاجات اللي ساعدتني اقولك عليها , كل واحد مننا في طريقة على يوتيوب بيقابل كثير من البرامج والتطبيقات العظيمة وكمان يقابل حاجات ملهاش اي لازمه . 

اعتبر مقالة النهاردة فلتر يختار لك اهم الحاجات اللي هتفيدك على طريق يوتيوب لازم تعرف وانت شغال على يوتيوب ان انت مش شغال عشان الناس تتفرج عليك لا انت شغاله عشان تتفرج أنت على الدنيا وتعرف الناس يوتيوب منصة اكثر من رائعة.

هنتكلم على أشهر وأعظم البرامج اللي هتفيدك في العمل على يوتيوب

 - التصوير

يوتيوب منصة الفيديو الاولى عالميا لذلك لازم تهتم جدا بالتصوير باللي موجود معاك تطلع فيديوهات كويسه لو اهتميت بالاضاءة واديتها حجمها الطبيعي , 70 % من نجاح الفيديو معتمد على الإضاءة وجودتها.

- الصوت

العنصر الأهم في الفيديو ممكن نتحمل فيديو هادف بصورة سيئة ولكن لا يمكن تحمل فيديو بصوت سئ أي كان محتواه.

 لو ناوي تسجل الصوت ممكن ارشحلك المايك اللي انا شغال به وهو مايك بويا المايك ده محترم جدا وفية كمان مايك سوني ودي الفئات الارخص في المايكات . قريبا نجيب مايك أفضل وهنزله مراجعة على قناتي .

لو حابب تسجل صوتك من خلال الموبايل , ده تطبيق أكثر من رائع من خلال وجوده تسجل صوتك من ع الموبايل وهتطلع الصوت بطريقة احترافية.

إزالة الوش من الصوت ودي انا عملتلها فيديو مخصوص هتلاقي الفيديو الي من خلالة هتتعلم ازاي تطلع فيديوهات احترافية بطريقة سهلة شوفة من هنا .
في عملك تحتاج أصوات مجانية ودة مصدرها

- المونتاج 

 أصبح معايا فيديو كويس صوت ممتاز دلوقتي بقى عايز تقطع وتوصل وده المعروف بالمونتاج ممكن تكون الكلمة دي تقيلة شوية انت شايف انها صعبه حبتين ولكن الحاجه دي اسهل ما يمكن ببساطة هي مجرد قص وتركيب مجموعة من الفيديوهات مع بعضها مع وضع انتقالات بينهم .

 أشهر برامج مونتاج الكمبيوتر.

من أشهر الأخطاء المعروفة جدا ان المونتاج محتاج اجهزة جبارة لكن 90 % مننا بنخلص فيديوهاتنا باجهزة في متناول اي حد , اجهزة متوسطة ممكن جهاز المعنى الحرفي استعمال خارج يؤدي المهمة .

 برامج المونتاج كثيره طبعا افضلها زي ما كلنا عارفين أدوبي بريمير البرنامج الاشهر في مونتاج الفيديوهات  لكن البرنامج ده برنامج سينمائي قوي جدا, فهل أنت كمبتدئ محتاج ادوبي بريمير لا طبعا , أنت لازم تبدأ ببرنامج سهل , وانا ارشح لك برنامج كمتازيا الحل الافضل فيديوهات رائعة وفية كل الحاجات اللي انت محتاجها وده كورس كامل هتسمعه في ساعة فية كل شرح البرنامج .
                                                                      
مونتاج الاندرويد فانا مش هتكلم كتير أشهر البرامج كين ماستر كنت عملتلك فيديو عن أفضل خمس برامج المونتاج للاندرويد ممكن تطلع عليه و هتلاقي كل روابط البرامج موجوده.

 تسجيل الشاشة من أهم الأمور إلى بنعتمد عليها في عمل الفيديوهات افضل برنامج لتسجيل الشاشة عن تجربه برنامج obs لانه بيطلع فيديوهات بجوده عالية 4k واحجام قليلة جدا وكمان خفيف على الجهاز مش من البرامج اللي تطحن جهاز الكمبيوتر الخاص بك .

تسجيل الشاشة , أفضل برامج تسجيل الشاشة والبث المباشر


- الصور 

 التعامل مع الصور زي ما كلمتك فيديو السابق وقلت لك ان الصورة هي الدعاية والإعلان الخاصة بالفيديو , لازم تهتم بها من اشهر البرامج اللي تقدر من خلالها تشتغل على الصور برنامج ادوبي فوتوشوب للكمبيوتر.

لو انت شغال بالاندرويد هتشتغل ببرنامج بكسل ارت واحد من افضل البرامج لمونتاج الصور للاندرويد رابط الفيديو بتاعها.

حاجات هتعطلك على يوتيوب ابعد عنها .

- هتسمع كتير عن برامج بتجيب مشاهدات أو مشتركين أو صفحات تبادل الزيارات و المشتركين والمشاهدات وكل فستك.

- من الأخطاء العظيمة تفكيرك في مشاهدة فيديوهاتك على اليوتيوب تقعد تشغل كل الموبايلات ونتفرج بالساعات ودة من أنواع الخداع المهروسة لدي يوتيوب وكله بيتحذف .

- عبارات اشترك واشترك لك كل العبارات من هذا القبيل لابد تجنبها لأنها تصنف تعليقات غير مرغوب فيها .

- اى حاجه ممكن تجيب لك حقوق طبع ونشر اثناء شغلك على اليوتيوب.

- اي محتوي مضلل أو يوجه المستخدم للخروج من يوتيوب .

 دي كانت أشهر النقاط التي عرفتها لغايه النهارده على اليوتيوب اكيد كل يوم هكون خبرات جديدة واقابلك مع مقاله جديده هيكون فيها كثير معلومات هتوصلك .

مكانك على اليوتيوب موجود انتظرك ...
تعليقات



حجم الخط
+
16
-
تباعد السطور
+
2
-